Кристиано Рональду дотуур хувцасны загвар зохион бүтээжээ

Хөлбөмбөгч Кристиано Рональду өмнө нь цөөнгүй удаа дотуур хувцасны сурталчилгаанд тоглож, зургаа авахуулж байсан бол одоо өөрөө загварыг нь гаргадаг болжээ. Тэрээр "CR7" хэмээх дотуур хувцасны шинэ брэнд гаргаж ирэхээр ажиллаж байгаа аж. К.Рональду дотуур хувцасны загвар зохион бүтээхдээ нэртэй дизайнер Ричард Чайтай хамтарч ажилласан бөгөөд шинэхэн коллекцдоо сэтгэл хангалуун байгаа гэнэ. Тэрээр загварын бизнесийнхээ нээлтийг Мадридын хамгийн алдартай барилгуудын нэг Palacio de Cibeles-ийн өмнө хийжээ.
Алдартай хөлбөмбөгчдөөс Кристиано Рональду, Дэвид Бекхэм дотуур хувцасны сурталчилгаанд олонтаа тоглож байсан. Д.Бекхэмийн хувьд H&M брэндтэй хамтран ажиллаж, дотуур хувцсыг нь сурталчилдаг билээ.