“New face” наадмыг 14 дэхь жилдээ тасралтгүй зохион байгуулж буй “Эра” төвийн захирал Д.Эрдэнэтуяа

Оны шинэ дүр төрх, шинэ залуу загвар өмсөгчдийг тодруулдаг “NEW-FACE-2014 ” уралдааны эхний шатны шалгаруулалт болж өнгөрсөн билээ. Тус наадмыг телевиз, киноны дэлгэц, загварын ертөнцийн тайзнаа шинэ дүр төрхийг тодруулан гаргаж олны танил болгох, реклам сурталчилгааны оны шинэ дүр төрхийг тодруулах зорилгоор “Эра” төвөөс 2001 оноос эхлэн 14 дэхь жилдээ тун амжилттай зохион байгуулж байна. Анх тус наадам тэмцээн төдий эхлэж байсан ч өдгөө охид злуусын хүсэн хүлээдэг хамгийн том наадам болсон байна. Энэхүү наадмыг 14 дэхь жилдээ тасралтгүй,маш амжилттай зохион байгуулж байгаа хүн бол “Эра” төвийн захирал Д.Эрдэнэтуяа. Зорилгодоо үнэнч байж, хийж буй ажилдаа тууштай хандан тасралтгүй хөдөлмөрлөсөн 14 жилийн хугацаа өдгөө энэ наадмыг үнэхээр брэнд болгож чаджээ. Энэ удаа манай дуранд тус төвийн захирал Эркагийн энгийн хэдэн агшин буусан юм.