“Ноён солиот” хүүтэйгээ хамт

Амьдрал дээр энгийн тайван зантай гэгддэг жүжигчин Д.Бямбацогт юм, юм үзсэн овсгоотой нэгэн. Үзэгчгүй шахам театрын хүнд жилүүдэд бусдын адил хаалгыг нь хаагаад одсон тэрбээр нэг хэсэг бизнес эрхлэн дажгүй амьдарч байсан ч алтан тайзаа өөрийн эрхгүй үгүйлэн эргэж иржээ. “Ноён Солиот”, “Салхи Дамбий” гэх мэт бүтээлээр нь олон түмэн түүнийг илүүтэй мэддэг болсон ч мань эр нэгэнтээ “Намайг хүмүүс Салхи Дамбий гэж дуудвал нэг их баярлаад байдаггүй” хэмээн дурссан аж. Харин Ноён солиот маань энэ удаа хүүтэйгээ хамтран “Тагнуулч аав” кинонд тогложээ.