Тэрбумтан Жей-Зи метрогоор зорчив

Хэдийгээр рэп од Жей-Зи шоу-бизнесийн салбарт гялалзаж, тэрбумын хөрөнгө аль хэдийнэ цуглуулсан ч гэсэн сэтгэлдээ Бруклины жирийн нэгэн залуу хэвээрээ гэдгээ харуулж, метрогоор зорчсон байна. Тэрбээр хэдэн хоногийн өмнө Лондоны метрогоор зорчихдоо ColdPlay хамтлагийн ахлагч Крис Мартин, Тимбалэнд /Timbaland/ нарын хэсэг нөхдөө дагуулсан байж.

"Тэр Ватерлоогийн зогсоолоос метронд суусан. Шүтэн бишрэгчид нь түүнийг хараад галзуурчих дөхсөн" гэж болсон явдлыг нүдээр үзсэн нэгэн US Weekly-д ярьсан байна.

Нэрт дуучин Бейонсегийн нөхөр Жей-Зи өмнө нь 2012 онд Нью-Йоркийн метрогоор үйлчлүүлсэн нь мөн багагүй шуугиан тариад амжсан юм.