Майли Сайрус цочролд оржээ

Экс найз залуу Лиам Хемсворт нь Мексикийн дуучин, жүжигчин Эйза Гонсалестай маш хурдан дотно харьцаа үүсгэсэнд дуучин Майли Сайрус цочирдсон гэнэ. Тэр хоёрыг харьцаагаа таслаж буй гэх албан ёсны мэдээлэл дөнгөж гаруут л Лиам, Эйза нар автомашины зогсоол дээр үнсэлцэж буй гэрэл зураг олны хүртээл болсон билээ.

“Түүнийг Эйзатай уулзалдаж байгаа гэдгийг Майли мэдэж байсан. Түүнд их хэцүү байсан болов уу. Тэр залуу ийм хурдан шинэ хайр дурлалтайгаа учирсан гэдэгт Майли итгэж чадахгүй байгаа” хэмээн эх сурвалжууд өгүүлэв. Майли бүсгүй гунихарч байх хойгуур Лиамын ах Крис Хемсворт дүүгээ бүх талаар дэмжих болно гэдгээ сэтгүүлчдэд ярьжээ.