Галтай цогтой Чамиа гавъяат

Сайн багш, хошин шогийн жүжигчин, театрын жүжигчин, айлын сайн эзэгтэй гээд түүний өмнө хэлэх тодотгол олон. СУИС-д 20 гаруй жил ажиллаж түүний гараас гарсан шавь нар нь урлагийн салбарт тэргүүлж явааг уншигч та мэдэх биз. Урлагийн алтан тайзан дээр 40 гаруй жилийг өнгөрүүлсэн учраас энэ нарийн мэдрэмжээ сургалтынхаа арга барилд шингээж, мэдлэг, оюун ухаан, эрч хүч өгөхийг хичээж ажиллаж байгаа Монгол Улсын Гавьяат Жүжигчин Л.Чаминчулуун манай дуранд өртсөн юм. Тэр үнэхээр 60 гарсан гэхэд итгэмээргүй ануухан харагдаж байлаа.