“BLUE”-гийн нүд унагам залуус

“Blue” хамтлагийн Данкан Жэймс, Ли Райн нар Майамигийн эргийн ойролцоо нэгэн найз эмэгтэйн хамт амарч яваад папарацчдын дуранд өртжээ. Тэд ням гаригт Ли Райны 30 насны төрсөн өдрийг тэмдэглэж яваа нь энэ аж.  Хамтлагийн хамгийн царайлаг гэгддэг Данкан энэ өдөр богино өмд өмсөж, найз эмэгтэйдээ булчин, шивээс болсон  биеэ гайхуулан, олны анхаарлын төвд байжээ. 

Өдгөө 35 настай Данкан Жэймс сүүлийн үед өөрийн бие галбиртаа ихээхэн анхаарлаа хандуулж, долоо хоногт 5 удаа фитнессээр хичээллэж байгаа гэнэ. Үүнийгээ батлахын тулд тэрээр саяхан “Gay Times” сэтгүүлийн нүүр хуудсыг чимжээ. Тэрээр хэлэхдээ “Хүн хөгширсөн хойноо биеэ тордох хэцүү, тордлоо ч гэлээ ямар нэгэн өөрчлөлт орохгүй учраас залуу байгаа дээрээ биеэ хөгжүүлэх нь чухал. Түүнтэй адил би өөртөө анхаарал тавьж, юу идэж ууж байгаагаа хайхрахгүй байвал миний бие улам л дордох нь байна”  гэжээ.