Lumino эргэн ирлээ

Хип хопын ертөнцөд бусдаасаа тэргүүлж стиль имиж, дуу хоолойгоороо онцгой ялгаран гарч ирсэн хамтлаг бол Люмино. Тэдний “Намайг дагаад цэнгэ”, “Free style” дууных нь клипийг олон нийтийн мэдээллийн хэрэгслээр цацахыг хүртэл хорьж байсан удаатай. Хэдийгээр саад бэрхшээлтэй тулгарсан ч тус хамтлагийнхан уран бүтээлээ залууст хүргэсээр ирсэн. Тус тусын амьдралын зам мөрийг хөөж, өрх тусгаарлан уран бүтээлээсээ хөндийрлөө хэмээх шүүмжийг фэнүүдээсээ багагүй хүртээд байгаа тэд энэ жил арван таван жилийнхээ ойд зориулж, амьдрал, уран бүтээлийнхээ талаар өгүүлсэн шинэ цомог гаргах гэж байгаа сурагтай: Ямартай ч нэгэн үе домог байж чадсан хөвгүүд өдгөө эрийн цээнд хүрсэн эрчүүд болжээ.