Тарсан,тараагүй “Киви” хамтлагийнхан

Рок попын төмөр хатагтай Б.Ангирмаагийн исгэлэн охид тарах гэж байгаа талаарх цуу гадуур тархаж байна. Энэ талаараа “Киви” хамтлагийхан болон продюсер Б.Ангирмаа албан ёсны тайлбар хийхээс татгалзаж байгаа. Долоон жилийн өмнө уран бүтээлээ туурвиж Монголын рок попын ертөнцөд хүч түрэн орж ирсэн “Киви” хамтлагийн гол имиж нь хар, шар, ази төрхтэй гурван бүсгүй. Гэтэл тус хамтлагийн “хар сувд” Намуунаа, монгол төрх Агий хоёр хамтлагаасаа гарч Ука бууриа сахиж үлдэх гэж буй талаар хэвлэлээр бичиж байна. Зарим нэг шар хэвлэлүүдэд Укаг шинэ хамтлаг байгуулахаар авьяаслаг охидыг хайж байгаа гэх юм. Гэхдээ энэ удаад бүжгийн хамтлаг байгуулахаар охидыг эрэлд гарсан сурагтай. Хэсэгтээ л олны өмнө хамтаараа гараагүй хамтлагийн бүсгүйчүүд энэ удаа манай дуранд буулаа.