Загварын төгс хосыг уяраасан Сийлэн охин

"Монгол модель" агентлагийн загвар өмсөгч Э.Эрдэнэцогт, С.Төгс нар хөөрхөн охиын аав ээж болоод удаагүй байгаа билээ. Загварын ертөнцөөс төрсөн энэ хос агентлагийнхаа шинэ жилийн баяраар “Төгс хос” өргөмжлөл авсан төдийгүй сүйн бөгжөө онгоцонд солилцож байжээ. Хамтдаа зураг авахуулж, клипт тоглох дуртай залуу хос өөрсдийнхөө харилцааг чамгүй сайн сурталчилдаг юм билээ. Тухайлбал, модель бүсгүй олон орны агентлагаас хамтарч ажиллах санал ирдэг ч “мөнгөний машин” болох хүсэлгүй учраас татгалзсан гэдэг. Тэд загварын ажлаас түр ч атугай хөндийрөн, анхны үрээ өхөөрдөн салхилж яваад манай дуранд өртсөн юм.