Хамгийн өндөр хөлстэй моделиуд

“Форбес” сэтгүүл дэлхийн хамгийн өндөр орлоготой загвар өмсөгчдийн  чансааг гаргажээ. 

Жизель Бундхен
Фото: Paulo Whitaker / Reuters

Топ 10 моделийн жагсаалтыг жилд 42 сая ам.долларын ашигтай ажилласан Жизель Бундхен тэргүүлэв. Түүний жилийн ашиг бусдаасаа хол давснаас гадна  түүний нөхөр Америкийн хөлбөмбөгчин Том Брэдийнхээс (38,3 сая доллар) ч илүү гарчээ. 

Харин жагсаалтын хоёрдугаарт жүжигчин Орландо Блумын эхнэр, Австралийн нэрт загвар өмсөгч Миранда Керр бичигдлээ. Тэрээр 7,2 сая ам.долларын ашиг олжээ. “Victoria"s Secret”-ийн “сахиусан тэнгэр” Миранда Керр жилийн өмнө тэрээр жагсаалтын долдугаарт нэрлэгдэж байжээ. Жагсаалтын гуравдугаарт жилийн орлого нь зургаан сая хүрсэн бразили бүсгүй Андриана Лима бичигдсэн байна. Түүний гол орлогыг “Victoria"s Secret” компани өгдөг бөгөөд Андриана Лима тус компанид 2000 оноос хойш ажиллаж байгаа аж. 

“Форбес” сэтгүүлийн нэрлэсэн топ 10 загвар өмсөгч: 

1. Жизель Бундхен (42)
2. Миранда Керр (7,2)
3. Адриана Лима (6)
4. Кейт Мосс (5,7)
5. Лю Вэнь (4,3)
6. Хилари Рода (4)
7. Кэролин Мерфи (3,6)
8. Жоан Смоллс (3,5)
9. Кэндис Свейнпол (3,3)
10. Лара Стоун (3,2).