Хахир хатуу, шударга шулуун гэх гитарчин Өөжгий

Монголдоо ноймор нэг гэгдэх гитарчин Өөжгий өөрийн нэгэн мэдэгдэлийг цахим хуудаснаа илэрхийлжээ. Тэрбээр   ам барьдаг дуучдыг тайзнаас зайлуулахыг хүссэн байна. Чухам хэний тоглолтыг үзээд ийн уурлаж хилэгнэсэн тодорхойгүй ч тэрээр"Сүүлийн үед энэ панаграмчингууд арай дэндлээ. Бүтэн тоглолтын турш бүх дуугаа ам барьдаг дуучны тоглолт үзлээ. Бүтэн оркестр хуруугаа хөдөлгөж, дүр эсгэж суусан сураг байна. Зарим тоглолтон дээр. Хөдөлмөрчин хүн хөдөлмөрлөж олсон мөнгөөрөө билет худалдаж аваад орж ирж байхад CD тавиад зогсдог гарууд тайзнаас зайлвал таарна" хэмээн нэлээдгүй бухимдсан.Тэгвэл урлагийнхан түүнийг хатуу ширүүн хэмээн дүгнэдэг. Үнэхээр хэлэе гэсэн үгээ шулуухан хэлчихдэг Өөжгий цаана л нэг ширүүн харагддаг шүү.