Герман эртэй гэрлэж, 2 ихэр хүүгийн ээж болсон том Сэлэнгэ эргэн ирлээ

“Гоёл-2006” наадмын “Шилдэг загвар өмсөгч”-өөр шалгарсан М.Сэлэнгэ “Хатан-Эрдэнэ” холбоонд ажиллаж миссийн тэмцээн хүртэл зохион байгуулж явсан. Тэгвэл хувийн амьдрал нь бүтэлгүйтсэнээс хойш хүүгээ дагуулан Герман улсыг зорьсон тэрбээр багагүй хугацаагаар тэндээ амьдарч байсан. Харин саяхнаас эх орондоо суурин байхыг илүүд үзэх болсон М.Сэлэнгэ өөрөөсөө нэлээд хэдэн насаар ахимаг Герман эртэй хуримласан билээ. Арван жилийн ширээнээс анхны амьдралаа зохиосон хань нь бор дарсанд хэт автах болсноор модель бүсгүй нэг л өдөр хүүгээ тэврэн, цүнхтэй хувцсаа чирээд гэрээсээ явсан гэдэг.

Өдгөө томоохон компанид ажиллаж байгаа модель бүсгүй загварын ертөнцөд “том” гэгддэг бөгөөд өөрийн дүү болох М.Хэрлэнгийн хамт “Гоёл-2006” наадмын тайзнаа “Шилдэг эмэгтэй загвар өмсөгч”, “Шилдэг эрэгтэй загвар өмсөгч” өргөмжлөлийг гардаж байсан билээ. Үүнээс өмнө “Монголын сайхан бүсгүй-2001” тэмцээнээс “Тана эрдэнэ” өргөмжлөл хүртэж, “Хамгийн гоолиг биетэй мисс”-ээр тодорсон түүхтэй аж.