Хүүдээ “ЭЛБЭГБАЯР” хэмээх содон нэр хайрласан Д.Батбаяр

Кёкүшюзан Батбаяр хүүдээ Б.Элбэгбаяр гэдэг нэрийг нэг их бодож цөхрөлгүй өгчээ. Хүний нэр гэдэг хувь заяаг нь ч тодорхойлдог болохоор зарим хүмүүс дөнгөж мэндэлсэн хүүхдэдээ нэр өгөх гэж нэлээд юм болдог бол Д.Кёкүшюзан Батбаярын толгойд «Элбэгбаяр» хэмээх нэр шууд л зурхийсэн аж. Учир нь Ц.Элбэгдорж Ерөнхийлөгчтэй, С.Баяр Ерөнхий сайдтай парламентын үед хүү нь мэндэлсэн болохоор тэр хоёрын нэрнээс Элбэгбаярыг босгосон байна. Тэгээд ч Японоос авч ирүүлсэн хүүхдийн стандартын өлгий хүүд нь шууд л багадсан учир «Энэ ер нь элбэг том биетэй хүн болох нь» гэж бодсон аж. За тэгээд хүний л эцэг хойно хүүгээ сайн, сайхан, идээ ундаагаар элбэг дүүрэн яваасай гэж хүссэндээ Элбэгбаяр гэдэг нэрийг бяцхан хүү-дээ хайрласан гэнэ. Тэгэхээр Ерөнхийлөгч Ц.Элбэгдорж, Ерөнхий сайд С.Баяр нарын нэрний холбоосоор бүтсэн Элбэгбаяр хүүгийн нэр эзэндээ ээлтэй байх нь болтугай.