Ард түмний мисс, өөрийг нь мөнхөд чимдэг байсан мэнгэнээсээ салснаас хойш анх удаа

2003 онд "Монголын сайхан бүсгүй" тэмцээнд орж ялалт байгуулаагүй ч "Ард түмний мисс" хэмээх өргөмжлөл хүртэж байсан Ариунцэцэг Сингапурт хэсэг хугацаанд амьдарч байгаад эх орондоо ирсэн. Олон жил хүмүүсийн нүд, хэл амнаас хол амьдарсан тэрбээр олонд “танигдсан” мэнгээ авахуулж, огт өөр дүр төрхтэйгээр эргэн гарч ирж, олныг жинхэнэ алмайруулсан. Хэдхэн сарын өмнө нэгэн томоохон компанийн сурталчилгаанд зориулж өөрийн шинэ дүр төрхийг анх удаа олон нийтэд дэлгэж, зургаа татуулсан. Энэхүү ажлынхаа гэрээг хэдэн саяар тоологдох мөнгөөр байгуулсан төдийгүй цаашид ч фото чиглэлээр хүч үзэхээ мэдэгдсэн. Тэгвэл Ард түмний мисс загварын ертөнцөд эргэн ирсэнээ зарлалаа. Тэрбээр саяхнаас “Гоёо” компаний нүүр царай болохоор шийдэн хамтран ажиллахаар болсон билээ. Ийнхүү түүнийг мөнхөд чимдэг байсан мэнгэнээсээ салснаас хойш манай дуранд анх удаа өртлөө.