Аварга маань эргээд бэлтгэлдээ оржээ

Лондонгийн олимпийн дэвжээнд монгол түмний итгэл найдвар нь байж, бахархах бахдах сэтгэл, хамгийн сайн сайхан мэдрэмж бүхнийг дээд цэгт нь хүргэж чадсан Н.Түвшинбаяр аварга маань бэлтгэлдээ дахин оржээ.Монголын спортын түүхэнд олимпийн анхны хос медальтан болсон аварга маань хэдхэн сарын өмнө АНУ-ын Нью-Йорк хотноо мэс засал хийлгэсэн билээ. Маш хүндэд тооцогдох түүний мэс засал амжилттай болж, өдгөө биеийн байдал сайн сайн байгаа бололтой. Лондонгийн олимпийн татамид хагас шигшээ барилдаанд хүнд бэртэл авч, өвдөгний шөрмөс тасарсан ч өөрийгөө, өрсөлдөгчөө ялан дийлсэн аварга маань дахин дэвжээнээ гарч Монголчуудынхаа мэлмийг баясгах тэр өдөр тун ойрхон биз ээ.