Mert&Marcus

Гэрэл зургийг амьдруулж, түүгээр түүх өгүүлнэ, амилуулна гэдэг амаргүй ажил. Харин загварын ертөнцийн 1 байна гэдэг түүнээс ч хэцүү ажил болов уу. Mert Alas болон Marcus Piggott нар Mert&Marcus нэрийн дор хамтран ажилласаар ирсэн загварын алдарт гэрэл зурагчид. Тэд хоёул 1971 онд төрсөн бөгөөд 1994 оныг хүртэл өөр өөр салбарт ажиллаж байлаа. Marcus гэрэл зурагчны туслах байсан бол Mert зургийн арыг бэлддэг байв. Харин нэг зураг авалт дээр уулзсаны дараа тэд анхны зураг авалтаа хамтран хийж, авсан зургуудаа Dazed and Confused сэтгүүлд үзүүлэхэд шууд л нүүр хуудсаа болгожээ. Ингээд тэд жинхэнэ шуугиан тарьж одоо үеийн хамгийн том сэтгүүлүүдийн зураг, бүх шилдэг брэндүүд, алдарт моделиуд, одуудын зургийг авч байгаа билээ.