Нэг л зүйл дутуу ...

УДЭТ-ын жүжигчин, СТА Б.Эрдэнэцэцэг драмын урлагтаа үнэнч тул тэр бүр клип, зар сурталчилгаанд  тоглоод байдаггүй нэгэн. Харин саяхан “Улаан дөрвөлжин” кинонд тоглосон тэрээр сүүлийн үед улаан өнгөөр гангарах болсон. Тиймдээ ч тэрээр “Гэгээн муза” дээр улаан сарнайг санагдуулам даашинзаар гангарсан ч эмэгтэй хүнийг тодорхойлдог гол зүйл болох гуталдаа тийм ч их анхаарал тавьсангүй бололтой. Их л содон өвөрмөц имижтэй жүжигчин хатагтай гоёлын даашинз дээрээ чамин зүүлт зүүсэн бол бүр ч сайхан харагдах байсан билээ.