Төрийн соёрхолт, бүжиг дэглээч С.Сүхбаатар хэнээс ч ичихгүй

Өдгөө 60 насны сүүдэр зооглож, эцгээсээ өвлөсөн монгол бүжгийн эх түүхийг өөрийнхөөрөө бүтээлцэж яваа түүнийг бүрх малгай, дэгжин ороолт, сэнгэнэсэн сүрчиг нь одоо ч тодорхойлсоор байгаа. Монгол Улсын Төрийн соёрхолт, Урлагийн гавьяат зүтгэлтэн, найруулагч, бүжиг дэглээч Сэвжидийн Сүхбаатар гэдэг хүнийг Монголын ард түмэн “Жалам хар” бүжгээр нь мэднэ.Түүнийг  урт үс сайхан зохьдог бөгөөд үүнээс өөр дүр төрхөөр нь төсөөлөх аргагүй гэлтэй. Угийн хээгүй, хэлэх гэснээ хэлчихдэг шударга шулуун зантай гэгддэг С.Сүхбаатар олон нийтийн газар ч өөрийнхөөрөө байж чаддаг нэгэн.