“Номин”-гийн зурагчин

Бизнесийн гараагаа эгэл жирийн замналаар даруухан эхлэсэн “Номин” холдинг өнөөдөр олон улсын түвшний өндөрлөгт хүрсэн амжиллтай яваа компаниудын нэг. Захирал Ш.Баярсайхан ч анхны охиноо алдаад, түүнийхээ нэрийг өндөрт өргөх гэсэндээ компанийхаа нэрийг Номин гэж нэрлэсэн гэдэг. Тиймдээ Номинг унагахгүй гэсэндээ бүх зүйлээ зориулсан аж.  Үүгээр ч зогсохгүй Ш.Баярсайхан алиа хошин зантай, сэтгэл сайтай хүн гэж ажилчид, ойр дотныхон нь ярьдаг. Харин тэрээр хаа ч явсан “Nikon”-ыхоо аппараттайгаа. Ямар сайндаа л сайн танихгүй хүн “Уучлаарай, зураг аваад өгөөч” хэмээн зурагчинтай андуурсан гэсэн шүү.