Үндэсний хувцасаар гоёсон аварга “Болор цом”-д саатлаа

Мэргэжлийн сумогийн түүхэнд Монгол хүний нэрийг тодоос тод мөнхөлсөн хүн бол Асашёорюү Д.Дагвадорж гэдэгтэй хэн ч маргахгүй. Их спортоо орхиж, бизнесийн салбарт хүч үзэх болсон аварга маань сүүлийн үед олон нийтийн арга хэмжээнд ихээхэн оролцох болсон. Тэгвэл энэ удаа ард түмний хайртай хүү яруу найргийн үдэшид саатжээ. “Болор цом” наадмыг хүндэтгэн үндэсний хувцасаараа гоёсон аварга, найрагч бүрийн уншсан шүлгийг чих тавин анхааралтай сонсож байсан нь их урлагаа хэрхэн хүндэлж байгаа нь харагдаж байсан юм.