Брэнди Норвуд хуримаа хийжээ

Америкийн R&B гүнж Брэнди Норвуд өчигдөр хөгжмийн ертөнцийн могул гэгддэг найз залуу Райн Прэстэй хуримаа хийжээ. Хөгжмийн ертөнцийн сэтгэл татам гэр бүлийн тоог нэмж байгаа хосуудын хуримын ёслолд гэр бүл, ойр дотныхноос нь гадна алдартай хамтлаг, дуучид, найзууд нь оролцсон байна. Хуримынхаа өмнө Брэнди “US"-д өгсөн ярилцлагадаа “Би маш их  аз жаргалтай байна.  Миний хувьд уран бүтээлдээ илүү их цаг зарцуулдаг байсан бол хуримаа хийснээр миний хувийн амьдралд маш том өөрчлөлт  ирж байна” хэмээн ярьжээ. 

Брэнди өмнө нь хуучин найз залуу Роберт Смиттэй харилцаатай байсан бөгөөд тэд арван настай Сайри нэртэй охинтой юм. Экс хосууд олон жил хамтдаа амьдарсан ч Брэнди дөрвөн жилийн өмнөөс Робертийг гэрлэх ямар ч хүсэлгүйг мэдмэгц тэд харилцаагаа тасалжээ. Харин удаан хугацааны турш ганц бие ээж гэгддэг байсан Брэнди ийнхүү хуримаа хийж байгаад түүний ойр дотныхон нь болоод фэнүүд нь халуун баяр хүргэж байгаа гэнэ.