Ховорхон хоолойтой МУГЖ Ширмэнтуяа

Нүүдэл, Сэтгэлийн цагаан хун, Чи бидэн хоёр, Ижий улирал,  Бодол, Тэнгэрийн тамга, Ханийн дуу, МУСТА Д.Амаржаргалтай хамтран дуулсан “Ойрхон л байж шүү дээ” гэх зэрэг олны  дунд мөнхөрсөн олон дуутай МУГЖ Ширмэнтуяа ойрд чимээгүй амьдарч байгаа. Харин саяхны нэг өдөр СТӨ-д болсон нэгэн тоглолтын үеэр хүрэлцэн ирсэн юм.  Даруухан энэ бүсгүй маань 16-хан насандаа “Сэтгэлийн цагаан хун” хэмээх сайхан дууг дуулж урлагийн тайзнаа хөл тавьж, 19 насандаа “Морин хуур” наадмын тэргүүн байрыг эзэлж, хэсэгтээ намжихааргүй сенсааци  дэгдээж байсан түүхтэй. Түүний энэхүү амжилтыг давтсан дуучин одоогоор төрөөгүй байгаа аж. Ийн Монголын урлагийн ертөнцөд өөрийн гэсэн тодоос, тод ул мөрийг үлдээн яваа МУГЖ Ширмэнтуяа энэ үдшийн тоглолтонд ирсэн ховорхон хүмүүсийн нэг байсан юм.