Сэрчмаа үсчинд орох ч завгүй явна

Хэвлэл мэдээллээр хэд, хэдэн удаа сенсацид өртөөд амжсан Сэрчмаа сүүлийн үед уран бүтээлийн ажилдаа эрчимтэй орох болсон. Явсан нохой яс зууна гэгчээр энэ жилийн хувьд нэлээд хөдөлмөрлөсний үр дүнд уран бүтээлийн олз омогоор дүүрэн яваа нэгэн. Харамсалтай нь түүний хайрт ээж нь хорвоогийн мөнх бусыг үзүүлээд нэг их удаагүй байгаа. Гэсэн хэдий ч хорвоогийн жам хойно дуучин бүсгүй маань сэтгэлийн хаттай байж нэг их удалгүй  ажилдаа эргэн орж, эмгэнэл илэрхийлэн, уй гашууг нь хуваалцсан фен олондоо цахим хуудсаараа дамжуулан талархал илэрхийлсэн байна. Одоогоор Sally  маань тун завгүй яваа бололтой. Өчигдөр болж өнгөрсөн “Гарал угсаа” киноны нээлтэнд хүрэлцэн ирэхдээ үсээ ч засуулж амжсангүй хэмээн сандрангуй байдалтай явж байна лээ.