Зохиолч Шүүдэрцэцэг, Мисс Шүүдэрцэцэг нарын ховорхон тохиол

Монголд маань ижилхэн нэртэй амьдаа нар цөөнгүй. Гэхдээ урлагийн халуун тогоонд нэгэн дор ховор  нэрээр ижилссэн хоёр хүн байна  гэдэг  ховорхон тохиолдол болов уу. 2002 онд зохиолч Б.Тогтохбаяр Шар сонинд Б.Шүүдэрцэцэг нэрээр зохиол бичсэнээс хойш энэ нэрээрээ олонд танигдаж эхэлсэн юм. Өдгөө гаргасан зохиол номнууд нь хэдийнээ ар, араасаа хөврөн гарч хүмүүсийн унших дуртай ширээний ном болох болсон.  Түүний томоохон бүтээл болох “Домогт Ану хатан” роман нь театрын жүжиг болон тавигдсан бол мөн "Ану хатан" кино бүтээл болж удахгүй дэлгэцнээ гарах гэж байна. Харин түүний ижил нэртэн Мисс Шүүдэрцэцэг нь “ 9009” “ Хайрлаж болох уу” “ Валентины захидал” зэрэг кинонод тоглож олонд танигдах болсон бөгөөд мөн загварын ертөнцөд хүчээ сорьж буй залуухан бүсгүй.  Ингэж л урлагийн халуун тогоонд тус, тусын мөрөө гаргаж буй Шүүдэрцэцэгүүд нэгэн дор хүрэлцэн ирж, их л халуун дотнохон яриа өрнүүлэн байлаа.