Холливудын од Бен Аффлек хамгийн анх удаа...

Манай Монголчуудад “Армагеддон”, “Сувдан эрэг” зэрэг кинонуудаараа танигдсан Холливудын нэрт жүжигчин Бен Аффлек хамгийн анх удаа гэр бүлээрээ папарацидууллаа. 

Дуучин, жүжигчин Женнифер Лопезтой гэрлэж байсан, Жвинет Палтроутой болзож байсан гээд Холливудын олон сайхан хүүхнүүдтэй холбогдсон ч өөрийн жинхэнэ амьдрал, жинхэнэ хайр, жинхэнэ хань минь Женнифер Гарнер юм байна гэдгийг нэг л өдөр ухаарсан гэдгээ Бен нуудаггүй. Тэд 2001 онд “Сувдан эрэг” кинонд хамт тоглож байсан төдийгүй өнөөдөр хоёр хөөрхөн хүүхдийн эцэг эх бололцоод сэтгэл хангалуун явна. Тэр бүр папараци дуранд өртөөд байдаггүй Бен Аффлек амралтын өдрөөр Вайлет, Серафина нэртэй хоёр охиноо дагуулан хүнсний дэлгүүрт явж байгаад ийнхүү папарацидууллаа.