НАЙРУУЛАГЧ ТИМ БЁРТОН, ХЕЛЕНА БОНЕМ-КАРТЕР ХОЁР ЯГ ТЭНЭМЭЛ ХҮМҮҮС ШИГ Л. . .

Найруулагч Тим Бёртон ба жүжигчин Хелена Бонем-Картер (“Сармагчингуудын гариг”) эрээн мяраан элдэв шалдивын хувцасны өогүүр шиг харагдаж байна. Энэ хостой Лондонгийн тансаг хороолол Найтсбрижэд тааралдах нь олонтаа. Нутгийн баян тарган язгууртнуудын дунд мань хоёр дөнгөж сая хогийн саван дотроос гарч ирсэн орон гэргүй тэнэмлүүдийг өөрийн эрхгүй санагдуулах аж. Үнэн хэрэгтээ Бертон ба түүний хамтран амьдрагч эхнэрийн банкин дахь данс олон тэгүүдийнхээ жинд дарагдан махийж байгаа бөгөөд тэдний нэр хүндэд Английн хатан хаан хүртэл атаархам билээ.

54 настай кино найруулагчтай 46 настай Хелена 11 жил хамт байгаа юм. Тэд хоёр хүүхэдтэй хэдий ч гэрлэлтээ батлуулж амжаагүй л явна. Тэр бүү хэл хөрш зэргэлдээ ч гэлээ өөр өөр байшинд амьдарцгаадаг гэж байгаа. Ийнхүү леди өөрийн этгээд араншинтай партнер луугаа дотуураа палааж өмсчихөөд бүрх малгай духдуулан очиж яваа нь энэ.

- Тимийн хамрын нум нь мурийчихсан. Тэгээд мань эр аймшигтай хурхирдаг юм хэмээн Бертоноос тусдаа унтдаг шалтгаанаа Хелена тайлбарласан юм. Хүмүүс биднийг жаахан юмтай гэж ярьцгаадаг. Гэхдээ бусад эхнэр нөхрүүд шиг л байнга уулзалдаж байдаг, бид хамтдаа байхдаа сайхан байдаг гэж тэрээр учирлажээ.