ЖАСТИН БИБЕР СЭТГЭЛЭЭРЭЭ БОЛ МЕТАЛ РОК

Эхнэр нөхөр хоёрын санаа нэг гэж үг байдаг даа. 18 настай Жастин Бибер, 20 настай Селена Гомес хоёр одоохондоо нэг гэртээ орчихоогүй байгаа ч маш адилхан хувцасладаг гэнэ. Скейтбордчуудын цуглах дуртай Вудленд-Хиллз паркад мань хоёр хоёулаа зүрхний зурагтай хувцас хунартай хүрч иржээ. 

Жастин  “Drop Dead Clothing” фирмийн нэг асар том цус урссан зүрхтэй майк өмссөн байсан бол түүний найз бүсгүй арваад ширхэг жижигхэн зүрх дүрсэлсэн сүлжмэл кофтоор гангарсан байжээ. Ганган хээнцэр хувцасны  “Drop Dead Clothing” фирм нь Британийн металл рок хамтлагийн дуучин Оливер Сайксын эзэмшилд байдаг. Поп дуучны маань сонирхол металл рокийн  мангасынхтай зарим талаараа давхацдаг нь эндээс харагдаж байна.