Жавхлангийн хуурай дүү Ноён Бондгор

Мэргэжлийн бус ч мэргэжлийн дуучдаас дутуугүй чадварлаг дуулж тэр дундаа “Миний найз” хэмээх дуугаараа олны танил болсон “Бондгор” нэрэндээ зохицсон махлаг бондгор залуу нь тэр бүр хэвлэл мэдээллээр гараад байдаггүй. Тэрчлэн түүнийг их яриасаг бөгөөд нэг сэдэв хөндөөд яриа эхлүүлчвэл зогсооход тун хэцүү гэж зарим мэдэх хүмүүс нь ярих юм билээ. Амьдрал дээрээ ч бас яггүй сэргэлэн байрын эр гэнэ. Уран бүтээлийнхээ хажуугаар хувийн жижигхэн бизнес эрхэлж амьдралаа хэвлүүхэн аваад явчдаг сайн гэрийн эзэн гэдэг. Түүнд бүх зүйл дээр нь цуг байж, зааж чиглүүлдэг багш нь буюу хайртай ах нь МУГЖ Жавхлан билээ. Нутаг нэгт дүүгээ дэмжиж Ноён Бондгор нэр хайрласан Жавхлан дууны шүлгийг нь хүртэл сонгож өгдөг гэсэн шүү. Ингээд та бүхэндээ Жавхлагийн хуурай дүү Ноён Бондгор манай папараци дуранд хэрхэн өртсөнийг сонирхуулъя.