Хайгуулын ажлыг эсэргүүцэгч Г.Солонго, Г.Адилбиш нарыг 48 цагийн хугацаатай саатуулжээ

Г.Солонго, Г.Адилбиш нарыг 48 цагийн хугацаатай саатуулжээ. Тодруулбал, Дорнод аймгийн Матад сумын нутаг дэвсгэрт Монгол Улсын Засгийн газрын шийдвэрээр газрын тосны хайгуулын чиглэлээр үйл ажиллагаа явуулж байгаа “Монголиа файсон энержи” компаниас Сүхбаатар аймгийн Сүхбаатар сумын 5 дугаар багийн нутаг дэвсгэрт түр байрлуулсан кемпийн ажилчдын байр луу Г.Солонго, Г.Адилбиш нарын тэмцэгч гэх иргэд зөвшөөрөлгүй нэвтэрч, эрх чөлөө, эд хөрөнгөнд нь халдаж, дураар авирлан шууд дамжуулалт хийн, цахим орчинд нийтэлсэн.

Эл асуудалд цагдаагийн байгууллагаас шалгалтын ажиллагааг зохион байгуулж байгаа талаар өчигдөр мэдээлсэн. Тэгвэл Г.Солонго, Г.Адилбиш өчигдөр 48 цагийн хугацаатай саатуулан, үргэлжлүүлэн шалгаж байна.