МУГТ Э.Цэндбаатар WBC холбооны мөнгөн бүсний төлөө тулалдана

Moderator

2026/03/20

Мэргэжлийн боксын рингэнд 14 тулаан хийж нэг ч ялагдаагүй яваа МУГТ Э.Цэндбаатарын дараагийн тулаан ирэх дөрөвдүгээр сарын 10-нд АНУ-д болох тов гарсан. Э.Цэндбаатар энэ удаад WBC холбооны мөнгөн бүсний төлөө тулалдах гэнэ. Хэрэв энэ тулаанд ялалт байгуулбал аваргын бүсний төлөө тулалдах тулаанчдын тоонд багтана.

Түүний энэ удаагийн өрсөлдөгч Дэлхийн боксын чансаагаар 8-т эрэмблэгдэж байгаа контендер түвшний боксчин Тажикстаны Мухаммед Якубов. Мэргэжлийн рингэнд 25 тулаан хийж 23 ялалт байгуулсан. 23 ялалтынхаа 12 тулааныг хүнд цохилтоор буулган авчээ. Мэргэжлийн боксын эхний тулаанаа 2015 оны 12 дугаар сард хийж байжээ. Насны хувьд Э.Цэндбаатараас нэг насаар буюу 30 настай.

Харин Э.Цэндбаатарын хувьд 14 ялалтынхаа зургаад нь өрсөлдөгчөө хүнд цохилтоор буулган авч байсан. Э.Цэндбаатар энэ чансааны 16 дугаар байрт эрэмблэгдэж байгаа. Нурууны хувьд Э.Цэндбаатар 163 см, Якубов 165 см өндөр аж.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ