Д.Тогтохсүрэнг эрүүл мэндийн шалтгаанаар суллаж, хилийн хориг тавьжээ

УИХ-ын гишүүн асан, “Эрдэнэс критикал минералс” ТӨҮГ-ын захирал Д.Тогтохсүрэнгийн албан өрөөнд нэгжлэг явуулж , АТГ-аас хойшлуулшгүйгээр саатуулж эхэлсэн байдаг. Хамгийн сүүлд өнгөрсөн нэгдүгээр сарын 29-ний өдөр Дүүргийн Эрүү, Иргэний хэргийн хялбар ажиллагааны анхан шатны тойргийн шүүх прокурорын хүсэлтийг хэлэлцээд, үргэлжлүүлэн 30 хоног хорихоор шийдвэрлэсэн.

Тэгвэл сар шинийн өмнө түүнийг эрүүл мэндийн шалтгаанаар сулласан бөгөөд хилийн хориг тавьж, хэргийн бусад оролцогчидтой уулзах, харилцахыг хориглосон байна. Тодруулбал, шүүгчийн захирамжийг яллагдагчийн өмгөөлөгч Б.Б нь эс зөвшөөрч Ерөнхий шүүгчид гомдол гаргасныг энэ сарын 16-ны өдөр хянан хэлэлцээд, хэрэгт авагдсан баримт, яллагдагчийн эрүүл мэндийн байдлыг харгалзан түүнд авсан цагдан хорих таслан сэргийлэх арга хэмжээг өөрчилж, прокурорын саналыг үндэслэн яллагдагчид Монгол Улсын хилээр гарахыг хязгаарлах, тус хэргийн оролцогч, бусад оролцогчидтой уулзах, харилцах, харилцаа холбоо тогтоохыг хориглох хязгаарлалт тогтоох таслан сэргийлэх арга хэмжээ авч шийдвэрлэжээ.

Дашрамд, Д.Тогтохсүрэнг авлига, албан тушаалын хэрэгт холбогдуулан шалгаж эхэлсэн юм.