Д.Ангар: Гадаадын банк орж ирвэл дотоодын банкууд зээлдэгчийнхээ хойноос гүйх цаг ирнэ

Гадаадын банк Монголд орж ирвэл ийм эффект гарна гэж бодож байна.

- Хадгаламж сүртэй татахгүй байх. Хадгаламж эзэмшигч нарыг татах гж цаг хугацаа их шаардана
- Төв оффисоосоо 10-20 тэрбум ам. доллар оруулж ирнэ. Тэнд мөнгө нь бэлэн байгаа
- Монголбанктай своп хэлцэл хийж валютын эрсдлээ түгжинэ.
- Эхний ээлжинд жижиг дунд хэмжээний зээлдэгч нартай зууралдахгүй байх
- Шууд Монголын том компаниудын зээлийг шилжүүлж авах байх. Өмнөх зээлийн хүүгээс нь 1-2% бага байна. Том компаниуд шуурна.
- Том найдвартай зээлдэгчээ алдсан банкууд одоо л зээл өгөхийн тулд зээлдэгчийн хойноос нь хөөцөлддөг болно
- Бусад банкныхаа сайн зээлдэгчдийг бас л зээлийн хүүг нь 1-2% бууруулах замаар шилжүүлж авна. Зээлдэгч нар мэдээж дуртай байна.

Дээрх процесс 3-5 жил үргэлжлэхэд өрсөлдөөний зарчмаар Монголын зээлийн хүү буурна. 3-5 жилд лав л одоогийн байгаагаас 6-8% буусан байна. Тэгэхэд л болоо. Бид Америк, Япон шиг жилийн 3-4% хүүтэй зээл гэж даврахгүй ээ. Ядаж л жилийн 10-12% хүүтэй байдаг орчныг хүсээд байгаа юм.