Мал өвөлжилт нийт нутгийн 50 хувьд дунд, 17 хувьд бага зэрэг хүндрэлтэй байхаар байна

Хоёрдугаар сарын зудын урьдчилсан төлөвөөс харахад, мал өвөлжилт нийт нутгийн 5 хувьд нэн их, 16 хувьд их, 50 хувьд дунд, 17 хувьд бага зэрэг хүндрэлтэй, 11 хувьд хүндрэлгүй байхаар байна. 

Тухайлбал, мал өвөлжилтийн байдал Сэлэнгэ, Төв, Булган, Баян-Өлгий, Увс, Дархан-Уулын ихэнх, Ховд, Завхан, Өвөрхангай, Баянхонгор, Хэнтий, Дундговийн зарим нутгаар их хүндрэх төлөвтэй байна.

Иймд мал өвөлжилт/хаваржилт хүндэрч буй болон хүндэрч болзошгүй бүс нутгуудад онцгойлон анхаарч цаг уурын байгууллагаас гаргадаг богино, дунд, урт хугацааны цаг агаарын урьдчилсан мэдээг тогтмол авч ашиглах, цагийн байдал хүндэрсэн үед авч хэрэгжүүлэх арга хэмжээний бэлтгэлийг бүрэн хангаж ажиллахыг зөвлөж байна.