Ц.Санжаачойпэл, Э.Тэмүүлэн нарт холбогдох хэргийн гэм буруугийн шүүх хурал өнөөдөр 14.00 цагт эхэлнэ

Иргэн Д.Саянсамбууг онц хэрцгийгээр зодож, танхайрсан гэх УИХ-ын гишүүн асан Ц.Цэрэнпунцагийн хүү Ц.Санжаачойпэл, "Говь" компанийн Гүйцэтгэх захирал Б.Амарсайхан, "Эрэл" группын захирал Б.Эрдэнэбатын хүү Э.Тэмүүлэн нарт холбогдох эрүүгийн хэргийн гэм буруугийн шүүх хурал өнөөдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд 14.00 цагт болно.

Тус шүүх хурал энэ сарын 14-ны өдөр болох байсан ч шүүгдэгч Ц.Санжаачойпэлийн өмгөөлөгч Б.Мэргэний хүсэлтийн дагуу гэм буруугийн шүүх хурлыг нэгдүгээр сарын 29-ний 14:00 хүртэл хойшлуулсан байдаг.

Сүхбаатар дүүргийн Прокурорын газраас Эрүүгийн хуулийн тусгай ангийн 11.4 дүгээр зүйлийн 1 дэх хэсэг, мөн хуулийн тусгай ангийн 11.6 дугаар зүйлийн 1 дэх хэсэг, мөн хуулийн тусгай ангийн 20.16 дугаар зүйлийн 1 дэх хэсэгт заасан гэмт хэрэгт Ц.Санжаачойпил, Э.Тэмүүлэн, Б.Амарсайхан, Л.Алтан-Очир, Д.Саяннямбуу нарыг яллагдагчаар татсан. Тодруулбал, хохирогчоор тогтоогдоод байсан Д.Саяннямбуу ч мөн уг хэрэгт яллагдагчаар татаж, хэргийг шүүхэд шилжүүлээд буй юм.

Хэргийг сануулахад, Сүхбаатар дүүргийн 3 дугаар хорооны нутаг дэвсгэрт үйл ажиллагаа явуулдаг “Канте” нэртэй шөнийн цэнгээний газрын орчим нийтийн хэв журмыг бүлэглэн зөрчиж Д.С-ын биед хүч хэрэглэн халдаж халдашгүй, чөлөөтэй байх эрхэнд нь халдаж олон нийтийн амгалан тайван байдлыг алдагдуулсан үйлдэлд буруутгагдаад буй. Прокуророос Ц.Санжаачойпэл, Б.Амарсайхан, Д.Саяннямбуу, Э.Тэмүүлэн нарыг эрүүгийн хуулийн 11.4,1, 11.6.1, 20.16.1 гэх заалтуудаар эрүүгийн хэрэг үүсгэн яллагдагчаар татаж, шүүхэд шилжүүлсэн байдаг.