Ерөнхийлөгч У.Хүрэлсүх орон нутагт ажиллаж малчидтай уулзана

Ерөнхийлөгч У.Хүрэлсүх энэ амралтын өдрүүдэд Дундговь аймгийн Мандалговь хотод ажиллаж, иргэд, малчидтай уулзана.

Төрийн тэргүүн үндэсний үйлдвэрлэлээ дэмжин, улмаар экспортыг нэмэгдүүлэх зорилт дэвшүүлэн “Цагаан алт”, “Хүнсний хувьсгал” зэрэг хөдөлгөөнүүдийг өрнүүлж байгаа.

“Цагаан алт” хөтөлбөрийн хүрээнд малын гаралтай түүхий эдийг үнэ цэнтэй болгох, боловсруулах үйлдвэр байгуулах, малчдын ашиг орлогыг нэмэгдүүлэх чиглэлээр авч байгаа арга хэмжээ, цаашид анхаарах зүйлийн талаар орон нутгийн удирдлагууд, малчин түмэнтэй уулзаж, санал бодлоо хуваалцана.
Ерөнхийлөгч энэ жил тодорхой хуваарийн дагуу аймгуудад ажиллахаар төлөвлөж байна.