Замын-Үүд дэх Гаалийн газрын дарга О.Цэенрэгзэнг үүрэгт ажлаас нь чөлөөллөө

Moderator

2026/01/12

Ерөнхий сайд Г.Занданшатар өчигдөр Замын-Үүд суманд ажиллах үеэрээ авто замын боомтын зорчигч тээврийн цогцолбор болон ачаа тээвэр хилээр нэвтрүүлж буй үйл явцтай танилцсан. Энэ үеэрээ Замын-Үүд дэх гаалийн газрын дарга О.Цэенрэгзэнг үүрэгт ажлаас нь чөлөөлөх чиглэл өгсөн байдаг. Улмаар өнөөдөр ажлын цаг эхлэхээр Гаалийн ерөнхий газрын дарга П.Дэлгэрнаран Ерөнхий сайдын энэ чиглэлийг ёсчолж, чөлөөлнө хэмээн мэдээлж байв.

Энэ дагуу өнөөдөр О.Цэенрэгзэнг үүрэгт ажлаас нь чөлөөлсөн байна.

Мөн Ерөнхий сайд Г.Занданшатар Хил, гаалийн ажилтнуудыг тогтмол сэлгэж ажиллуулах бодлого баримтална гэж мэдэгдсэн байдаг. Жишээ нь, Замын-Үүдийн ачаа тээврийн хэсгийн рентгэн дээр тавхан хүн ээлжилж ажиллах нь тун хангалтгүй. Дор хаяж 15-20 хүн бэлтгэж, сэлгэж ажиллуулах шаардлагатай гэсэн юм.

Монгол Улсын ачаа эргэлтийн 70 гаруй хувь нь Замын-Үүд боомтоор дамжин өнгөрдөг. Жилээс жилд суурьшил нэмэгдэж, барилгажилт ч эрчимтэй өрнөж буй. Тиймээс худалдаа, тээвэр ложистикийн гол зангилаа хот болгон өргөжүүлэх шаардлага үүссэн ч ажил удаашралтай байгааг Ерөнхий сайд онцгойлон анхаарч шийднэ гэв.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.185.146

2026/01/13

Чөлөөлсөн дээр өөртэй ашиг сонжоо хийж ажилласан замын үүдэд А зэрэглэлийн газар авч байр бариулсан, барьж бгаа, байцаагч нар нь тэндээс байр авсан их үүсвэр нь хаанаас вэ
Хариулах
103.212.117.57

2026/01/12

Суганы үс л биш бол хэнийг зайлуулдаг болох нь. П. Дэлгэрнаран гэх ЕСын балчуур бий болжээ.
Хариулах