​ Монгол Улсын Ерөнхийлөгчийн хоригийг ҮАБЗ-ийн нарийн бичгийн дарга тайлбарлаж болох уу?

Өнөөдөр Ерөнхий сайд Г.Занданшатарыг огцруулсан УИХ-ын тогтоолд бүхэлд нь Монгол Улсын Ерөнхийлөгч хориг тавиад байна. Мөн Үндсэн хуулийн цэц өнөөдөр энэ асуудлаар Их суудлын хуралдаанаа зарласан байгаа нь тун сонирхолтой. Хэр барагтаа их суудлын хуралдаан зарлах нь бүү хэл маргаан үүсгэх гэж яардаггүй цэц маш шаламгай ажиллав. Нөгөө талаас Монгол Улсын Ерөнхийлөгч хориг тавих нь бүрэн эрх нь юмаа гэхэд түүний хоригийг Үндэсний аюулгүй байдлын зөвлөлийн Нарийн бичгийн дарга А.Бямбажаргал тайлбарлаад зогсож байна. А.Бямбажаргалын үүрэг бол үндэсний аюулгүй байдлыг хангах төрийн нэгдмэл бодлого боловсруулах үйл ажиллагаа болон түүнийг хэрэгжүүлэх үйл явдлыг уялдуулан зохицуулах, түүнд хяналт тавих байгууллагыг удирдаж байна. Гэтэл Ерөнхий сайдыг огцруулах тогтоолд хориг тавих нь зөв гэсэн талаас нэг талын байр суурь илэрхийлсэн нь өөрийнх нь ажил үүрэгт харшилж байгаа юм.

Түүнчлэн, Ерөнхий сайдыг огцруулах тогтоол УИХ-аар ёсчлогдоогүй байна. Ёсчлогдож амжаагүй байхад Үндсэн хуулийн цэц маргаан үүсгэж улмаар Их суудлын хуралдаанаа зарласан нь хөх тэнгэртэй цэцэд өөр нөлөөлөл бий юу гэсэн хардлагыг улам төрүүлж байгаа юм.