Нэр хугараагүй аварга хүндлүүлсээр явна

Дархан аварга Г.Өсөхбаяр Монгол бөхийн торгон ногоон дэвжээнээ уран сайхан мэхээрээ ард олноо олон жил баясгасан хүчит бөх билээ. Манай аваргуудаас энэ цагт улс төр бас бус юм руу оролцож ард олны  хүнд алдсан нь нэг биш ээ. Манай үндэсний бөхчүүдээс элдэв хэл аманд өртөөд байдаггүй, гүндүүгүй бөхчүүдийн магнай Г.Өсөхбаяр мөнөөс мөн юм. Наадмаар наадмын торгон ногоон дэвжээнээ дэвээ шаваагаар ёслон, ард түмэндээ хүндэтгэл үзүүлээд шинэ залуу бөхчүүдийнхээ барилдааныг хүндэтгэлийн асараас шимтэн үзэж харагддаг. Аливаа хор хутгаа, найраа гэгч зүйлийн үргэлж гадуур нь байсаар ирсэн түүхтэй. Ийн түмнийхээ хүндийг даацтайхан шиг дааж, Дархан аварга цолоо нэртэй авч яваа Өсөхбаяр саяхны нэг өдөр папарацци дуранд буулаа. Тэрээр нэгэн нээлтийн хүлээн авалтанд хүрэлцэн иржээ. Харин олимпийн аварга Бадар-Ууган түүнд хүндэтгэл илэрхийлж суудал тавьж өгнө лээ.