Т.Бархүү урам зоригоор дүүрэн явна

Арав гаруй насны зөрүүтэй ч хайр сэтгэлийн хүчээр хамтын амьдралаа босгосон жүжигчин Т.Бархүү, И.Одончимэг хоёроор монголчууд бахархдаг билээ. Хайр сэтгэлд сэтгэл л байвал нас чухал биш гэдгийг батлан харуулж буй хосууд сүүлийн үед амжилт өндөр яваа. Эхнэр нь хятадад болсон кино наадмаас “шилдэг эмэгтэй жүжигчин”-ээр шалгарч, олон мянган хүний сэтгэлийн нандин утсын хөндсөн “Солиот эх” МУСК нь хятадын зах зээлд нэвтэрч чадсан юм. Тиймээс Бархүү болон бусад жүжигчид урам зоригоор дүүрэн яваа нь ойлгомжтой. Тэрээр Бархүү өөрийн хуудсаараа дамжуулж Монголын кино урлагийнхан нэгдэж дэлхийд өрсөлдөхүйц бүтээл гаргахад тун ойрхон болсон гэх утгатай үг хэлж баярын сэтгэгдлээ хуваалцаж байсан юм.  Тэрээр саяхан нэгэн арга хэмжээнд очиход түүнд баяр хүргэх хүн цөөнгүй байсны дээр тэр ч их хөөртэй явна лээ.