Загвар өмсөгч Э.Энхболд аргагүй л өөр юм...

Салбартаа хэнээс ч дутахааргүй амжилттай яваа Э.Энхболд нь эрэгтэй загвар өмсөгчдийн тэргүүн эгнээний цөөхөн залуучуудын нэг. Загвар өмсөхөөс гадна дуулах авьяастай тэрээр өнгөрсөн жил яг түүн шиг шоунд оролцож авьяасаа батлан харуулсан юм. Гэрийн сайн аав, сайн хань бөгөөд түүний эхнэр нөхрийнхөө тухай: “Тэр маань ноён нуруутай, сэтгэл сайтай, ууч зантай гээд үнэхээр миний мөрөөдлийн залуу байсан болохоор би дурласан байх. Өөрөөсөө дүү залуугийн толгой эргүүлсэн шулам энэ тэр гээд бичсэн даанч муухай үгсийг би өдөржингөө уншиж, нөхөртөө гомдож уйлсан удаа бий. Амихандаа, нөхөртөө л уураа гаргаж байгаа нь тэр. Бид хоёрын дунд хайраас өөр юу ч байхгүй юм шүү” хэмээн хэвлэлд ярьж байсан удаатай. Загвар зохион бүтээгч эхнэртэй тэр хаана ч явсан стилл, имиджээр хэнийг ч дагуулдаггүй нэгэн. Саяхан болсон монголын томоохон шоуны үеэр ч тэр хамгийн загварлаг нь байж чадаж байлаа.