УИХ-ын гишүүн Б.Бат-эрдэнэ аварга гунигтай явна

Монголын үндэсний Бөхийн холбооны шинэ тэргүүн УИХ-ын гишүүн Б.Бат-эрдэнэ аварга нэг л гунигтай явна. Түүний хүндэлж, сүсэглэж явдаг зууны домогт бөх Ж.Мөнхбат аварга бурханы орондоо залраад удаагүй байна. Тэрээр шинэхэн сонгогдсон тэргүүний суудал нь бөөн хэл ам дагуулж бөхчүүдийг хоёр талцуулан одоо хэр нь маргаан үргэлжилж байгаа билээ.  Нэгэн цагт түүнээс хичээл заалгаж, зодогноос нь адис хүртэж явсан УИХ-ын гишүүн А.Сүхбат аварга өөрийг нь элдэвээр хэлж “ална” хэмээн заналхийлсэн нь түүнд мэдээж таатай байгаагүй нь лавтай. Тиймээс дархан аварга Б. Бат-эрдэнэ сэтгэл санаа нэг л гундуу яваа бололтой.