“Хар” Хочит жүжигчин Урнаа гэнэт гарч ирэв

“Хувьсал” продакшнаар овоглодог жүжигчин У.Уранчимэгийг наснаасаа залуу харагддаг, бие хаа сайтай хэмээн хүмүүс ам сайтай байдаг. Түүнийг “Хар” Урнаа хэмээн хочлох нь ч бий. Тэрээр Монголын кино урлагт өөрийн гэсэн өнгө үзэмжээ аль хэдийнээ бий болгож, амжилттай яваа дайчин эмэгтэй яах аргагүй Монгол Улсын гавьяат жүжигчин мөн билээ. Түүнийг энэхүү дайчин шинж чанараар нь нэгэн хэвлэл “Хар ирвэс” хэмээсэн нь эзнээ олсон нэр мэт. Тэрбээр Улсын драмын эрдмийн театраас өрх тусгаарлаж, "Хувьсал" продакшныхаа уран бүтээлд анхаарах болсноос хойш дэлгэцийн бүтээлд нэлээдгүй хүчтэй яваа. Харин сүүлийн үед аниргүй байгаа жүжигчин Урнаа өчигдөр “Говийн Домог” киноны нээлтэнд хүрэлцэн ирсэн нь гэнэтийн явдал боллоо.  Түүний стиль имидж бусдаас өвөрмөц хийгээд тун содон харагдаж байв.