Хар борооны Б.Бэлгүтэй

Монголоос гадаад кинонд дүр бүтээсэн жүжигчид хуруу дарам цөөхөн бий. Тэгвэл  мэргэжлийн бус ч гэлээ анхны дэлгэцийн уран бүтээлээ гадаад киноны гол дүрийг бүтээсэн анхны монгол уран бүтээлч Б.Бэтгүтэй болж байна. Энэхүү киногоороо Б.Бэлгүтэй Солонгос улсад суугаа мянга, мянган залуусын төлөөлөл болж тэдэнд тохиолдож болох хүнд, хэцүү амьдралыг харуулахыг зорьжээ. Тэрбээр өмнө нь Монгол улсын усан спортын шигшээ багийн тамирчин байсан бөгөөд 2013 онд Бангкокийн их сургуулийг програм хангамжийн мэргэжлээр төгссөн байна.

Загварын салбарт 2010 оноос хойш өнөөг хүртэл Тайланд болон Азийн зарим оронд моделиор ажилласны дотор BMW, Toyota, Yamaha зэрэг олон томоохон брэндтэй хамтран ажиллажээ. Түүнчлэн 2012 онд Олон улсын шилдэг эрэгтэй загвар өмсөгч шалгаруулах “Manhunt international 2012” тэмцээнд эх орноо төлөөлөн оролцож, шилдгээр шалгарч байсан удаатай юм. Ингээд манай орны нэгэн хөдөлмөрч, авьяаслаг уг залуу манай дуранд хэрхэн өртсөнийг сонирхуулъя.