Жүжигчин байхаа больж хөтлөгч болсон Орхонтуул

15 настай жаахан охин Орхонтуул “Орхидос” кинонд УДЭТ-ийн театрын жүжигчин С.Болд-Эрдэнийн төрсөн охины дүрд тоглосон. Харин харгис хойд ээжийн дүрд Отгонцэцэг тоглож, “Улаанбаатар” кино наадмаас хойд ээж, охин хоёр хоёулаа шилдэг дүрийн шагнал гардсан. Дүрдээ орж үнэмшилтэй тоглосон болохоор тэр үү, жүжигчин Отгонцэцэгт олны ам таагүй болж, хөөрхий охиныг олон хүн өрөвддөг. Харин жүжигчин Отгонцэцэг энэ дүрийг бүтээснээсээ болж стресст орж, сар гаруй хүнд хэцүү байснаа нуудаггүй. “Орхидос” киноны гол дүр Орхонтуул охин одоо аль хэдийнээ насанд хүрч, амьдрал зохиогоод зогсохгүй бяцхан үрээ ч өлгийдөн авсан. 20 насны босго ч даваагүй байж хүнтэй суулаа гэж нэлээдгүй зэмлэл хүртэж байсан цаг саяхан. Тэгвэл түүний бяцхан охин том болж чимээгүйхэн байсан залуу ээж Орхонтуул хөтлөгч болсон. Өдгөө телевизээр өөрийн гэсэн нэвтрүүлэгтээ болж олны нүдийг хужирлаж байгаа түүнд жүжигчин байхаас илүү хөтлөгч байх нь зохиж байна лээ.