Одооноос урьж биш уригдаж амьдрана

Урлагийн гэр бүлүүд дотроос хамгийн бат бөх, хамгийн үнэнч оршин тогтнож байгаа хосуудын нэг бол найруулагч Ц.Хүсэлбаатар, жүжигчин С.Өлзийхүү нар гэдэгтэй уншигч та ч маргахгүй биз. Тайз, дэлгэцийн урлагтай амьдралаа холбоод 20-иод жилийг ардаа орхисон энэ гэр бүл төдийлөн олны муу хэл аманд өртөөд, гоочлогдоод байдаггүй. Цагтаа уран бүтээлийг төрөл төрлөөр нь гаргаж явсан ч өдгөө залуу үедээ залгамж халаагаа өгч амар тайван амьдрах болжээ. Өмнө нь тэд уран бүтээл дээр хамтдаа ажиллаж нээлтийн урилга хүн бүрт өгч явсан бол одоо хүн бүрээс урилга авч шүүмж хэлэн суудаг болсон байна. Урлагийн акулууд маань энэ удаа Б.Тамирын шинэхэн бүтээлд дүгнэлт хийхээр ирсэн нь энэ бөлгөө.