Уранхай жинс, навсгар цамц түүний стилл

Сүүлийн үед кино урлагт олон олон шинэ жүжигчид төрөн гараад буй. Түүний нэг бол СТА Цэгмэд гуайн шавь Э.Пүрэвжаргал. Ороолон, Харанхуй хад, Захирагч Зий, Шинэ жил, Бүү март, “Сүүлчийн шөнө”, “Богд хаан”, Бумиранг, Орилоон гээд хэд хэдэн уран бүтээлд дүр бүтээсээр байгаа бөгөөд чадварын хувьд нэлээдгүй үнэлэгдэж яваа нэгэн. Киноны нээлтийн үеэр албан ёсны хувцаслалттайгаар л манай дуранд өртөж байсан бүсгүй энэ удаа арай өөр стилл имижтэй байх чинь ээ. Байнга л цэгцтэй хувцаслаад явж байдаг залуу жүжигчин чөлөөт цагаараа уранхай жинс, навсгар цамцаар гоёдог юм байна. Хаана ч явсан цуг гэж мэдээрэй гэдэг шиг нөхрөөсөө салдаггүй бүсгүй энэ удаа ч түүнтэйгээ аз жаргалтай гэгч нь явж байна лээ.