Ойрд үзэгдэж харагдаагүй хүн байх чинь ээ

Хөгжмийн зохиолч, хөгжмийн найруулагч Н.Халиуныг танихгүй мэдэхгүй урлагийнхан гэж үгүй. Тэрбээр 1990 оноос хойш өнөөдрийг хүртэл Монголын хөгжмийн урлагийн хөгжимчид, дуучидтай хамтран ажиллаж хөгжмийн продюсер, хөгжмийн найруулга, дуу хөгжмийн зохиол бичилцэж яваа нэгэн. Түүнчлэн тайзны болон томоохон хэмжээний шоу тоглолтыг зохион байгуулах, хамтлаг дуучдын продюсинг ажиллагаа зэргийг хийж гүйцэтгэдэг манай улсын шилдэг цөөн мэргэжлийн хөгжмийн продюсеруудын нэг гэдэгтэй хэн ч маргахгүй биз. Халзан толгойгоо имижээ болгосон Н.Халиун манай дуранд өртлөө. Тунчиг даруухан нэгэн болохоор зарим хүмүүс шиг хаа газрын үйл ажиллагаанд савсалзаад байдаггүй. Томоохон уран бүтээлүүдийг л зориод ирдэг Халиун энэ удаа 6-н найруулагчийн Бумиранг уран сайхны кино нээлтийг зорин иржээ.