Олимпын нээлтээр дуулах Кпоп одод

“Пёнчан 2018”өвлийн олимп өнөө орой Солонгосын цагаар 20.00 буюу манай цагаар 21:00 цагт нээлтээ хийнэ. Нээлт 35 мянган   хүний суудалтай Пёнчан төв цэнгэлдэхэд болно. Үйл ажиллагаанд Өмнөд Солонгосын ерөнхийлөгч үг хэлж, БНСУ-ын төрийн дуулал эгшиглэснээр нээлт эхэлнэ. Үүний дараагаар олон улсын тамирчид улсынхаа тугийг мандуулсаар жагсан орж ирэх юм.  Олон улсын тамирчид олимпын тангараг өргөж, ОУОХ-ны сүлд дууг дуулж албан ёсоор олимпын наадам эхэлж, бамбараа асаах аж. Үргэлжлүүлээд урлагийн тоглолт явагдах бөгөөд нээлтээр дуулах уран бүтээлчдийг нууц байлгаж байгаа ч урьдчилсан  мэдээллээр Bigbang хамтлагийн Тэяан, Winner, Red Velvet, FT Island, Black Pink, Girl’s day зэрэг хамтлагууд  үзүүлбэр үзүүлэх тов гарчээ. Мөн Солонгосын поп хөгжмийг дэлхий дахинд таниулсан  гангнам стайл-ийн PSY  үзүүлбэр үзүүлнэ гэх таамаг байгаа аж.

Нээлтийн үйл ажиллагааны шууд дамжуулалтыг орой есөн цагаас доорх холбоосоор орж үзэх боломжтой. http://www.bbc.co.uk/programmes/b00qfb83