Рианнагийн шилдэг үзүүлбэрийн ард хэн байв?

2018 оны Греммийн шагнал гардуулах ёслолын хамгийн онцгой үзүүлбэр үзүүлсэн уран бүтээлч дуучин Рианна байсан гэдэгтэй хэн ч маргахгүй биз ээ. Тэрбээр 2017 онд шинэ цомог гаргаж, шилдэг цомог төрөлд нэр дэвшээгүй ч Кендрик Ламартай хамтарсан уран бүтээлээрээ 9 дэх греммийн шагналаа хүртэж, DJ Khaled-тай хамтарсан "Wild Thoughts" уран бүтээлээ үзэгчдэд хүргэж, Өмнөд Африкийн Гвара Гвара бүжгийг  A.V.O Boyz / Африкийн хөвгүүд/ хамтлагтай бүжиглэн олныг шуугиулаад амжсан. Интернэт хэрэглэгчдийн дунд Греммийн шагнал гардуулах ёслолын хамгийн шилдэг үзүүлбэр хэмээн нэрлэгдээд буй Рианнагийн Гвара Гвара бүжгийг сурах хүсэлтэй хүмүүсийн тоо ч нэмэгдсэн байна. Рианна дахин A.V.O Boyz-той хамтран уран бүтээлээ туурвих эсэх нь тодорхойгүй байгаа ч шүтэн бишрэгчид нь Африкийн эрч хүчтэй бүжигчин залуусыг Рианнагийн клипнээс ахин харна гэдэгтээ итгэлтэй байгаа гэнэ шүү.